/egy/ - Edgyptians

End of Watch (2012)

Director: David Ayer

Writer: David Ayer

Stars: Jake Gyllenhaal, Michael Peña

تدور قصة الفيلم حول علاقة صداقة قوية تجمع بين اثنين من رجال شرطة لوس أنجلوس هما (تيلور) و(زافالا) وما يفعلانه من أجل أداء واجبهما حيث دوريات الشرطة التي تتجول بالشوارع ومواجهة العصابات المختلفة وغير ذلك من المخاطر التي تواجههما كل يوم.

رآيي:الفيلم طريقة تصويره مختلفة وهى انك بتشوف اللى بتصوره كاميرة البطل اللى عايز يتعلم ال filming و مابيسبش الكاميرة من إيده طول الفيلم وده ماسببش اى مشاكل بل اضاف للفيلم،الفيلم واقعى وبيحكى عن حياة ضباط الشرطة بحلوها و مرها،الفيلم بطريقة سرده و طريقة تصويره بيديك إحساس انك بتتجسس على البطلين ،عارف كأنك بتسمع مكالمة مسجلة بين اتنين او بتشوف واحد بيقفش لواحدة فى الاسانسير من كاميرة المراقبة،واللى زودلى الاحساس ده بتاع التجسس إن مفيش موسيقى تصويرية و فى الحقيقة مخدتش بالى غير بعد ما خلصت الفيلم عشان كنت مندمج فى التجسس على الابطال

الفيلم مختلف وواقعى وريكومندد انا بديله 8/10

>>107812

بس يا 16 يا تافه

>>107830

I Love You Phillip Morris (2009)

الفيلم نفسه مش مهم ،اهم حاجة فى الفيلم المشهد اللى بيشذ فيه جيم كارى مع الواد الاشقر،طبعا ده من اصعب المشاهد اللى عملها جيم كارى و اكيد ماعملش المشهد من اول لقطة لكن كان بيتدرب عليه كل يوم مع فينيكس (اسم شهرته شرموط)و طبعا ده مش المشهد الوحيد اللى ساعد فيه فينيكس فى تدريب الممثلين هو كمان ساعد فى مشهدين الاغتصاب فى فيلمين بالب فيكشن و اميريكان هيستورى إكس

>>107960

Night Crawler (2014)

احسن حاجة في الفيلم ان الواحد بيعرف يـ relate لبطل الفيلم من اول مشهد, شخص فاشل بائس بدون هدف ومعندوش انجازات..

كفاية انه من بطولة Jake Gyllenhaal. الراجل بيعرف يختار افلامة صح, مشفلهوش فيلم وحش لحد دلوقتي.

Edge of Tomorrow (2014)

Stars: Tom Cruise

في جو الخيال العلمي يرصد الفيلم قصة جندي يُدعى وليام كيدج (توم كروز). كيدج لم يخض معركةً من قبل ،لكنه يجد نفسه محاصرًا في عملية انتحارية وفي دقائق معدودة يُقتل. وبطريقةٍ ما يجد نفسه يعيش المعركة من جديد حيث يحارب ويُقتل ويعود من جديد مرةً أخرى يحارب ويُقتل، وفي كل مرة يكتسب مهارات قتالية جديدة. ولذلك يتحد مع امرأة من القوات الخاصة تُدعى ريتا (إيميلي بلانت) من أجل محاربة هجومٍ شرسٍ من قبل الميمكس القادمين من الفضاء.

الفيلم نفس فكرة فيلم ألف مبروك والاتنين متاخدين من Groundhog Day بتاع بيل موراى

كنت فاكر ان الفيلم هيبقى مبتذل وكانت توقعاتى قليلة عشان الفكرة متكررة لكن انا انبسطت فعلا وانا بشوف الفيلم

الفيلم تافه مش عميق يعنى وبنصح بيه لما تكون عايز فيلم خفيف كويس ،وممكن تشوفه مع العيلة ،مفيهوش حاجات جنسية تذكر

الفيلم واخد 7.9/10 على IMDB وانا بديله برده نفس التقييم ،الفيلم يستحق

The Grand Budapest Hotel (2014)

قبل ماكتب اى حاجة ،الفيلم جامد نياكة

السامارى :يرصد لنا الفيلم أسطورةً لم ولن تنُسي ،السيد جوستاف (رالف فاينز). السيد جوستاف مسئول خدمة الغرف والإرشاد بفندق بودابست. يصادق جوستاف صبيًا يُدعى زيرو مصطفى (طوني ريفولوري) ،حيث يعمل في بهو الفندق ويأخذه جوستاف تحت جناحيه. صديقة جوستاف مدام دي (ديلدا سوينتون) التي تبلغ 84 عامًا تُقتل ويقرر ابنها ديمتري (أدريان برودي) الانتقام من جوستاف. ولكن الأمر هين إلى الآن، حتى يتعلق الأمر بلوحة فنية أثرية لا تقدر بثمن وهي إرث العائلة، تبدأ رحلة محفوفة بالمخاطر من قبل الجميع من أجل اللوحة.

فككوا بقى من القصة اللى فوق دى،القصة بسيطة وطريقة السرد سهلة،البهريز كله فى المواقف والكوميديا و الصورة الرائعة،هما تقريبا كانوا بيحضروا لفيلم كرتون بس واحد اقترح انهم يعملوا الفيلم بممثلين وكدة وده باين فشخ من الالوان الفاقعة اللى كانت مالية الشاشة والشخصيات كانت كارتونية فشخ فى آدائها وكصم الضحك،حتى طريقة تصزير مشاهد المطاردات كانت شبه توم و جيرى والكرتون عامة،الفيلم كصم الضحك تانى وإدوارد نورتون عامل دور ظابط مسخرة الصراحة ،حبيت الفيلم فشخ و استمتعت بيه جدا

الفيلم جامد فشخ،لو تقدر نزله وشوفه دلوقتى وانا بديله 8.5/10 و ممكن يوصل ل 9 كمان

>>108590

شوف ده كدة https://www.youtube.com/watch?v=7jJKTRECOc8

استكمالا لانون الى بيتكلم عن السينما الالمانية الى باين من الافلام الى اخترها ان زوقه حلو نيك احب اشارك بكام فيلم الماني جمدين فشخ

اول واحد : the baader meinhof complex

الفيلم ده مبني على قصة حقيقة عن جماعة ثورية ظهرت فى المانيا الغربية فى سبعينات و ثمينينات القرن العشرين و كانت عندها افكار ثورية و بتدعم حركات المقاومة و ضد الامبريالية الامريكية

الفيلم ده بيناقش فترة مهمة نيك من تاريخ المانيا الغربية و الاهم من كده بيوريك ازى الدولة قدرت تحافظ على نفسها و تتعامل مع الارهاب و الاغتيالات الى كانت بتعملها الجماعة دى فى ايطار القانون و الدولة

http://www.imdb.com/title/tt0765432/

الفيلم التانى الى ارشحه بعد الفيلم الى فوق و فيلم the lives of others

الى الانون الي فوق قاله يبقي

goodbye linen

الفيلم ده من احسن الافلام الدرامية الكومدية الى شوفتها فى حياتى بيتكلم ببساطه عن ولد و امه عايشين فى المانيا الشرقية و هيا مؤيدة نيك لالمانيا الشرقية و بعدين دخلت فى غيبوبة و اثنائها المانيا اتوحدة فهو لما فاقت حاول يحسسها ان المانيا الشرقية لسه موجودة و هيحصل مفرقات رومانسية و كومدية كتير هتخليك تضحك من قلبك و الاهم انها هتفهمك و تعرفك الفرق بين الالمانتين ببساطه

http://www.imdb.com/title/tt0301357/

unsere mütter unsere väter

ميني سيرس 3 حلقات من الابداع و الفشاخه السينمائية و الدرامية مع بعض

تالت حاجه بقي نرجع بالزمن روا شوية لايام ww2

بعيدا عن البروبجندا الامريكية الفيلم الى هتكلم عنه ده يعتبر من احسن الافلام الى اتعملت عن الحرب لانه ببساطه بيشرح وجهة النظر الالمانية صرف و ازى ان الشعب كان مغسول مخه و بيظهر الجانب الانسانى و ازى الحرب بتقضي على اى مشاعر عن الانسان

http://www.imdb.com/title/tt1883092/

اخيرا وليس اخرا عشان عاوز انام بس السينما الالمانية جميلا لازم يا جماعة تحطوا شوية وقت ليها

فى حاجات تانية هبقي اقولها بعدين .

oldboy 2003 http://www.imdb.com/title/tt0364569/

الفيلم ده من الافلام القليله اللي بتتقارن باعظم فيلم فيه بلوت تويست في التاريخ: the usual suspects

فيلم oldboy فيلم كوري بيحكي عن واحد بيتخطف لسبب مش معروف، يتحبس في اوضه يوم ورا التاني سنه ورا التانيه لحد ما بيفضل محبوس 15 سنه، 15 سنه لا هو ولا احنا عارفين هو مخطوف ومحبوس ليه

وفجاه بيطلع

بيقرر يعرف ويجاوب على الاسئله اللي فضل سنين مش لاقي لها اجابه

15 سنه في اوضه اتعلم فيهم مهارات اساسيه من التلفزيون تخليه بيدافع عن نفسه كويس وبيفكر كويس، بيقابل بنت ويحبها وتحبه وبتساعده يلاقي اجابات

بيوصل لاصحاب المكان اللي كان محبوس فيه وفي تلت الفيلم الاخير بيعرف مين الشخص اللي طلب منهم يخطفوه ويحبسوه في الاوضه وبيعرف انه واحد كان يعرفه زمان

في اخر الفيلم بنعرف كل ده حصل ليه

لسه في احداث اكتر بس مش هحرق اكتر من كده

رأيي انه فيلم من اعظم الافلام اللي تخليك تلف حولين نفسك ودماغك تبقى هتنفجر من كتر التفكير والقصه اللي بتتعمل بدقه وعنايه وتمثيل كويس جدا جدا

القصه في الفيلم ده هي البطل وهي اللي بتخليك في اخر دقايق مش عارف تتعاطف مع مين او تبرر لمين او تاخد وجهة نظر مين

قاعد فاتح بوقك من الذهول والشفقه على جميع الاطراف والتعاطف مع جميع الاطراف وتجريم جميع الاطراف

الفيلم مش بيقولك مين الخير ومين الشر ولا حتى بيحاول يهول او يهون من موضوع الخطف والحبس اللي في الاخر بتحس انه مبرر نوعا ما

فيلم عظيم من غير ادنى احساس بالمبالغه

للي ماشافوش فايتك كتير فعلا

وتقيمي للفيلم ده 9/10

The Mask of Zorro (1998)

Stars: Antonio Banderas, Anthony Hopkins, Catherine Zeta-Jones

فيلم خفيف مش وحش،الاحداث كويسة ومش بتخلي يبقى عندك ملل،و الموسيقى كانت حلوة، لكن مشاهد الاكشن حسيت ان فى بعضها ساذج شويتين

ومن مقومات الفيلم الفيلم الاساسية هى البطلة ،كسم جمالك يا شيخة و كسم الكيوتنيس وكصم ليلى علوى😍 من الاسباب الرئيسية لمتابعتى للفيلم و للجزء التانى كمان

الفيلم مش جامد اوى ومش هشوفه تانى إلا لو جه فى التليفزيون ولا حاجة ،مش هنزله مخصوص

اعطيله 6.5/10

The Legend of Zorro (2005)

ده الجزء التانى والبطلة مكملة معانا😍 ،والسذاجة فى المشاهد الاكشن زادت فشخ وكان فيه مشاهد مش منطقية،الجزء الاول كان احلى من كل النواحى

اعطيله 5/10

Donnie Darko (2001)

Genres: Drama | Sci-Fi | Thriller

IMDB rate: 8.1/10

Jake Gyllenhaal ايام ماكان مراهق

شفت الفيلم و مفهمتش حبة تفاصيل كتير،من الافلام اللى لازم تقرالها ريفيو بعد ما تشوف الفيلم عشان تفهمها (النوع اللى مبحبوش) ولو عايز تفهم اكتر لازم تشوف الفيلم تانى

مش فاهم انا المخرجين بيعملوا معانا كدة ليه بحس انهم بيستغبونى كأنهم بيقولولى:انت غبى ابن متناكة بأى كيو سحلفة مش مشكلتنا انك مش بتفهم الفن

الفيلم مأقنعنيش بالنظرية بتاعته نظرية عن الكون الموازى وكنت مش فاهم تفاصيل كتير

فيلم انسيبشن مثلا اقنعنى بالفكرة بتاعته وشرحلى عالم الاحلام وعرفت تفاصيل وقوانين العالم ده منغير ما اشوف ريفيوو بالتالى اندمجت ودخلت فى الاحداث و استمتعت بالفيلم

هو انا لوحدى اللى كدة ولا فى حاجة غايبة عنى؟

هو الفيلم كويس والتمثيل عالى و الاحداث مش مملة بس بردو الفهم مهم

انا بديله 7.7/10

Gran Torino (2008)

Genres: Drama

Director: Clint Eastwood

Stars: Clint Eastwood

http://www.imdb.com/title/tt1205489/

فتحت قايمة افلام كلينت إيستوود لقيت انى متفرجتلوش على لا فيلم مع اى بشوف اسمه كتير، المهم اول فيلم بدأت بيه كان ده

قصة الفيلم عن والتر كوالسكى ( كلينت استوود ) مقاتل سابق فى الحرب الكورية 1950 : 1953 ،البطل قضى كل حياته فى مصنع فورد وعشان كدة مش بيحب العربيات اليابانى المستوردة ،الفيلم بدأ بجنازة مراته اللى لسا ميتة،العلاقة مابين البطل وابنه فاترة و مش حلوة اوى(ابنه بيشتغل مع العربيات المستوردة)

جار البطل الاسيوى ارغمته العصابة الاسيوية (ولاد عمه) انه يسرق عربية البطل الجران تورينو،لكن البطل قفشه وبعديها حصلت حبة حاجات وكانت نهايتها ان الواد الاسيوى هيسد دينه للبطل بأنه هيشتغل عنده كخادم ويعمله اى حاجة هو عايزها، وفى الفترة دى البطل بيحاول يحسن حياة الواد الاسيوى وتدور الاحداث

الفيلم هادى بس مش ممل،والقصة بسيطة جدا ومفيهاش تعقيد يعنى مش هتحتاج تفكر فى الاحداث و تدقق،انت بس هتتفرج و تستمتع،الاحداث كانت سلسلة ومش مملة،والنهاية عظيمة فشخ،ولو ركزت فى الفيلم هتعرف ليه البطل اختار النهاية دى

الفيلم هادى ومش محتاج تفكير كتير وممتع والاحداث مكانش سريعة اوى ولا بطيئة اوى،كان إيقاعها مظبوط،لو انت كنت تعبان ذهنيا وعايز قصة سهلة فأنا بنصحكم بالفيلم ده و مش هتندم

الفيلم حمسنى اشوف افلام تانية ل كلينت ايستوود،انا بديله 9/10

الدكتور

كسمك يا دكتور 😂

The Peanuts Movie (2015)

Animation, Adventure, Comedy

http://www.imdb.com/title/tt2452042/

الفيلم بيتكلم عن تشارلى براون ،هو عايز يتكلم مع البنت(الريد هيد) الجديدة اللى ساكنة قصاده ومعاه كمان فى المدرسة عشان يعبرلها عن إعجابه،بس هو جبان وفاج

الفيلم فى نصه الاول كان ممل، النص التانى من الفيلم احسن من النص الاول ،مع ان الفيلم كوميدى مضحكتش

مانصحش بالفيلم اوى إلا إذا انت عندك كراش على واحدة ومش قادر تكلمها ،انا اديله 5.5/10 وأكيد مش هفكر اشوفه تانى

Training Day (2001)

Crime, Drama, Thriller

Writer: David Ayer

Stars: Denzel Washington, Ethan Hawke

http://www.imdb.com/title/tt0139654/

تدور أحداث الفيلم حول جاك هويت وهو رجل كان يعمل كضابط أمن حصل أخيرا على مكان في شرطة مكافحة المخدرات بلوس أنجلوس. وفي يومه الأول بالعمل يتم تكليف المحقق المخضرم ألونزو هاريس بتدريبه وشرح تفاصيل العمل اليومي. يفاجأ جاك بطبيعة العمل على ارض الواقع فلم يكن أبدا يتوقع أن العمل في شوارع لوس أنجلوس المليئة بالمجرمين وتجار المخدرات سيكون بهذا الاختلاف عن الصورة التي كان يعتقدها. فيشاهد بنفسه المحقق ألونزو الخبير بكل تفاصيل العالم السري في الجريمة وهو يخرق القانون دون أي تفكير لأنها الوسيلة الوحيدة للوصول للحقيقة وتحقيق العدالة. ومع مرور أحداث اليوم يكتشف جاك المزيد والمزيد من الحقائق عن زميله ومدربه الجديد ، وعن عمله الجديد الذى سوف يتطلب من الكثير من المجهود.

أحداث الفيلم بتدور فى 24 ساعة بس ،احا انا مش مقتنع ان الاحداث دى كلها حصلت فى يوم واحد،إيثان هوك حظه وحش فشخ

دينزيل واشنطن خد اوسكار احسن ممثل رئيسى على الدور وتم ترشيح ايثان هوك لافضل ممثل مساعد،وانا فى رايي كان فوز مستحق فشخ

فى الفيلم بنشوف حياة (دينزل واشنطن) من منظور (ايثان هوك) وبنعيش معاه يومه وبنكتشف حاجات اكتر عن حياة (دينزل)اللى هو الظابط المتمرس

النهاية كانت ممكن تبقى احسن،وفى مشهد مش عارف هو منطقى ازاى،اللى هو المشهد اللى فى اخر ربع ساعة وهما فى حى السود والناس متجمعين حوالين البطلين،حسيت انه مش عقلانى وقفلة الفيلم كانت ممكن تبقى احسن

الفيلم جامد نيق وفيه حبة اكشن مش وحشين،الفيلم نجح انه يخلينى اخاف على الظابط المبتدأ و انى اتابع الاحداث،ونجح انه يخلينى اشوفه مرة كمان

انا بديله 8/10،مش هتندم لو شفته

The Trotsky (2009)

www.imdb.com/title/tt1295072/

شاب كندي مقتع إنه إحياء ل ل تروتسكي

فيلم كوميدي خفيف و فيه inside jokes كتير لو قريت في الاشتراكية

أديله 7/10

Band of Brothers (2001)

mini series 11h 45min | Action, Drama, History ,War

Top Rated TV #1

http://www.imdb.com/title/tt0185906

قصة حقيقية واقعية جدا عن الكتيبة إيزى من قوات الانزال الجوى 101(باراشوت) الامريكية وهما بيحاربوا فى اوروبا فى الحرب العالمية التانية وكان بيتم إنزالهم خلف خطوط العدو يعنى لما بينزلوا على الارض العدو بيبقى فى كل مكان حواليهم

المسلسل 10 حلقات بـ 8 مخرجين،كل حلقة عاملها مخرج واحد (توم هانكس اخرج الحلقة الخامسة على سبيل المثال) ابقى شوف اسم المخرج بتاع كل حلقة من التتر

الشخصيات: فى اول حلقة كنت متلخبط نيك عشان الشخصيات كتيرة فشخ ومفيش بطل محدد للمسلسل ومش عارف اركز مع مين ،كنت تايه مابين الشخصيات

المسلسل ملوش بطل معين، كل حلقة فى المسلسل بتركز مع جندى واحد معين (هتاخد بالك)وهتوريك الحرب من كذا منظور ،يعنى كل حلقة من منظور البطل بتاعها ,ومثلا كان فيه حلقة البطل بتاعها مسعف

وحلقات المسلسل ككل بتركز على كام شخصية وهما (وينترز وصاحبه نيكسون -و ممكن الجندى مالاركى)*pic related*

المسلسل واقعى نيك النيك وهيعيشك فى التجربة بجد وهيخليك تكره ان يحصلنا حرب مع إسرائيل فى يوم من الايام

وفيه دم كتير نيك وأشلاء طايرة لو قلبك ضعيف بلاش تتفرج أحسنلك,وخد بالك ان ده مسلسل أكشن فى الاول و فى الاخر يعنى نص المسلسل معارك حربية

القصة متاخدة من الجنود الحقيقيين والمخرجين ألتزموا بالتفاصيل اللى الجنود حكوها ,فيه بعض من اللقطات للجنود الحقيقين فى المسلسل متاخدة من فيلم وثائقى للابطال الحقيقيين فعلا وأسمه

We Stand Alone Together (2001)

http://www.imdb.com/title/tt0302022/

انا لما نزلت المسلسل لقيت الابلودر كتر خيره كان منزل الوثائقى معاه

لو انت بتقرا فى الحرب العالمية اتفرج على المسلسل و هتعيش الحرب فعلا من اول حرب نورماندى لغاية أستسلام ألمانيا ومش هتندم لو شفته ,انا هديله 8.4/10 وهديله 8 على IMDB وأكيد هبقى مبسوط لما اشوفه تانى