>>109260
الكلام والحديث لعبة زى ما أنون قال, فيه ناس بتعرف تفتح حوار مع أى حد وفى أى مكان, وناس ممكن تقعدوا أنتم الأتنين قصاد بعض ساكتين محدش فيكم عارف يعمل أيه.
عايز تتعلم يا أما تحط نفسك فى وسط أجتماعى مع ناس بتتكلم وبترازى فى بعض وبتتعامل فى أى أبن متناكة, شغل, أصحاب فى كلية, مدرسة, و تقرا كتب عن ال small talk, conversation skills and basic human interactions body language, etc.
أنت ممكن تحاول تفتح حوار مع أى حد مش هتشوفه تانى, فى أتوبيس, ميكروباص, أسانسير, طابور, وتتكلم معاه, طالما شكلك مش خرا وهو طايق نفسه نسبيا مش هيقفش عليك.
الحوار ممكن يكون كلام بضان من نوعية الجو زى الزفت, الجو حلو, الأتوبيسات زحمة قوى دلوقتى, الأسانسير ده مش ناويين يصلحوا الزراير بتاعته, عاملة أيه فى الكلية, أنت شكلك منوفى, وهكذا, المهم أن الأسئلة متكونش ينفع يتجاوب عليها بأه ولأ وخلاص, علشان يعرف هو يرميلك موضوع تانى فى وسط الكلام تعرف تبنى عليه الحوار.
الزتونة بقى فى أنك تعرف تخلى الشخص التانى يتحاور معاك حتى لو هو مش عايز, فيه ناس تيجى تتكلم معاها تبقى ردودها مقتضبة وأه ولأ بس, وناس تبقى مهتمة بيك وبكلامك وبتاخد وتدى معاك فى الكلام وتفتح مواضيع.
المهم لو بتقعد مع حد وتلاقى الدنيا قلبت بجنازة, أسئل الأسئلة البضان اللى فوق, لو شايف موبايل جديد أو لبس حلو أرمى compliment عليه وأسئل بنية صافية جابوا منين وكويس معاه ولا لإ, مفيش حد مبيحبش يتكلم عن نفسه, وفيه ناس ممكن تقعد ساكتة أو ترد بأقتضاب لغاية ماييجى موضوع معين وتلاقيهم فتحوا ومتعرفش تقفلهم, سياسة, كورة, نسوان, سجاير وحشيش, خروجات, تكنولوجيا, أنت دورك لو عايز تبنى علاقة فعلا مع حد وتخليه يفتكرك أنك تلاقى الموضوع ده وتحسسه أنك مهتم بيه.
والمشكلة الأكبر أنك لما تبقى عارف كل الكلام ده وفاهم الدنيا ماشية أزاى, ومع ذلك خايف تتكلم أو تفتح حوار مع حد, ودى لازملها أنك متبطلش كلام وتمشى ترازى فى خلق الله لغاية متتعود على الناس.