>>109805
السوق الحر أصلا رأسمالى كل الحكايه أنه بيلغى دور الدوله و مبيخليش ليها اى كلمه فى السوق . هل تعتقد إن الناس هتثق تانى فى الرأسماليه بعد ما هدمت حياتهم كلها و قبلتها رأسا على عقب .
لو دوله واحده قررت انها تتبنى الإشتراكيه فعلا كل الرأسماليه فى العالم هتهاجمها و هتحاول بكل الطرق انها تسقطها لسببين
- ان السوق فى البلد دى الرأسماليه أولى بيه
- الأهم ان لما شعوب الدول التانيه تشوف ان الإشتراكيه نجحت فى البلد دى هيكونوا عاوزين يطبقوها عندهم و دا هيؤدى لضرر كبير للرأسماليه
العمال بعد الثوره الفرنسيه سيطروا و كونوا حزب إشتراكى و الحياه فى فرنسا بقت أسهل للفقرا التعليم و الخدمات العامه توفرت بالمجان
علشان كده كان لازم الرأسماليين يسقطوا الحزب دا و أعدموا حوالى 10.000 عامل
الرأسماليه مش هم ال1% بس اللى مسيطرين على فلوس العالم ،كل واحد فينا جزء من الرأسماليه و ليه دور فيها . و أنت عندك حق احنا فى عصر حرب البورصه بس لمين ؟!
للحكومات الرأسماليه نفسها مش للأفراد يعنى أمريكا تجبر روسيا بأوامر و تضغط عليها عن طريق الإقتصاد بس الأفراد اللى بتكون الرأسماليه اللى هو إحنا هنتأذى آه جدا إحنا الجزء من الرأسماليه اللى كل الخراب هيقع على دماغه بس دا فى صالح الحرب على الرأسماليه .
الأناركيين نفسهم مش متفقين على نفس المبادىء و الأناركيه متشعبه بس الأهم و اللى الناس لازم تدعمه لو ظهرت يعنى هى الأناركيه السلميه الإشتراكيه .
بص للعالم بصوره أوسع هتدرك إن كل أزمه إقتصاديه بتحصل بيكون ليها نتجتين الرأسماليين فلوسهم بتزيد بس فى نفس الوقت الناس بتزيد فقر .
شوفت أنا رايح بكلامى فين الفوضى الفوضى الفوضى هى الإتجاه اللى الفقرا هتسلكه خد الثوره المصريه فى 25 كنموذج مصغر الفقرا طلعوا و قرروا يموتوا علشان فقرهم بيزيد كل فتره .
الرأسماليه نهايتها قربت أنا متأكد ان سقوطها مش هيكون فى عمرى بس أتمنى أعيش لحد ما أشوف اليوم ده. يمكن أنا متأثر بالأفلام بس أنا متأكد إنه هيكون مشهد دموى لطيف .
لو ركزت فى اول رد ليا أنا كتبت إن العمال هم الحل لإن فعلا لو مخدوش موقف بعد السقوط ده كل اللى حصل هيكون ضاع فى الهوا و الرأسماليه هترجع تانى وكل اللى هتكون البشريه بتعمله هى إنها بتلف فى دواير .