Mi neniam paŝis sur ĝi,
sed mia hundo ŝatas ululi ĝiadirekten,
do mi scias, ke ĝi devas ekzisti.
Miaj registoj elspezis bilionojn
da simboloj de laboro
por atingi ĝin kaj diris, ke tiel ili venkis
Markson kaj la naturon samtempe.
Fakte, la naturo ne rimarkis,
nek Markso, kiu ne povas
vidi ion ajn, kio okazas.
Vi estis same stoikisma
kiam mi klopodis venki vin-
mi ja vidas miajn ŝpurojn sur via vizaĝo,
sed vi kontinuas orbitadi la teron desupre,
pli-malpli same rigardante ĉion sur ĝia surfaco,
kiel vi rigardis ĝin longe antaŭ ol koni min.
Ĉu rompus leĝon naturan,
se vi falus el la ĉielo
por ĉasi min en la arbaro?
Via alta loko tenas vin for de la ĝuo.