Do, en unu el la /eo/ fadenoj de 4chan, ni diskutis pri aŭtismo. Kion vi vere pensas pri ĝi? Unu el la fadeno diris, "Don't be ableist" (Hmm–mi ne scias kiel traduki tiun vorton esperanten). Aliaj parolis pri la fakto ke en Esperantujo ni havas kelkajn vorton por priskribi ulojn, kiuj ne havas bonan regon de sociaj normoj, ekz., "verdulo", kaj "verda papo"–tiuj vortoj estas specife por homoj kiuj "tro" ŝatas esperanton kaj parolas senĉese pri ĝi.
Mi ne havas konkretan celon kun ĉi tiu afiŝo, mi nur volas eki diskuton…Ŝajnas ke en esperantujo, aŭtismo estas, eble, pli kutima ol en la ekster-esperantuja mondo. Ĉu vi pensas ke tio estas veraĵo? Kaj, ĉiuokaze, ŝajnas ke esperantujo estas akceptema loko por mense-diversaj homoj.
Persone, mi estas scivolema ĉu mi estas iome aŭtisma homo. Mi legis ke "aŭtismaj trajtoj" estas komunaj, do eble mi nur havas iom da trajtojn.